Qyzylordalyq sýdıalar ekologııa máselesiniń quqyqtyq tetigin talqylady
QYZYLORDA. QazAqparat- Qyzylorda oblystyq sotynda ekologııa zańnamasyna qatysty máseleler qaraldy, dep habarlaıdy QazAqparat tilshisi.
Aımaqtyq oqý ortalyǵynyń uıymdastyrýymen «Ekologııa zańnamasyn qoldanýda týyndaıtyn máseleler» taqyrybynda jıyn ótti. Atalǵan sharaǵa sýdıalar, prokýrorlar, memlekettik organdar ókilderi qatysty.
Sharany oblystyq sottyń azamattyq ister jónindegi sot alqasynyń tóraǵasy Ádilhady Shyǵambaevtyń ashyp, kún tártibindegi negizgi máseleler týraly aıtty.
«Ekologııa zańnamasyn buzýdan týyndaıtyn ákimshilik jáne azamattyq isterdi qaraý barysynda sottardyń ekologııalyq zańnamalardyń durys qoldanylýyna erekshe nazar aýdarýy qajet», - dedi Ádilhady Shyǵambaev.
Sondaı-aq, jıyn barysynda ekologııalyq zańnamalaryn koldaný boıynsha sot tájirıbesiniń máseleleri, jýrgizilgen tekserý nátıjesimen anyqtalǵan zań buzýshylyqtar boıynsha jaýapkershilikke tartý kezinde týyndaıtyn daýlar, ákimshilik isterdi qaraýda ekologııalyq zańnamany koldaný týraly azamattyq isterdi qaraý kezinde týyndaǵan máseleleri talkyǵa tústi.
Jıyn sońynda sot mamandary ekologııalyq zańnamany qoldanýda týyndaıtyn daýlardy sheshý maqsatynda turaqty túrde sholý jasaýǵa jáne jumys barysynda olqylyqtardy boldyrmas birneshe usynystar usynystar ázirledi.
Aıta keteıik, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń II. Zańnyń ústemdigin qamtamasyz etý bóliminiń kóptegen qadamdarynda sot ústemdigine toqtalyp ótken bolatyn. Jospardyń 16-qadamda: Azamattardyń sot tóreligine qoljetimdiligin jeńildetý úshin sot júıesi ınstantsııasyn ońtaılandyrý kóterildi. Sonymen birge bes satyly sot júıesinen (birinshi, apellıatsııalyq, kassatsııalyq, qadaǵalaý jáne qaıta qadaǵalaý jasaý) úsh satyly (birinshi, apellıatsııalyq, kassatsııalyq) sot tóreligi júıesine kóshý aıtyldy.
