Qyzylordalyq stýdent Nursultan Nazarbaev - bolashaq ıadrolyq fızıka mamany
ASTANA. 18 shilde. QazAqparat - 20 jastaǵy Nursultan Nazarbaev Qorqyt Ata atyndaǵy Qyzylorda memlekettik ýnıversıtetiniń úshinshi kýrsynda oqıdy.
Ol - bolashaq ıadrolyq fızıka mamany, dep habarlaıdy Eýrazııa birinshi arnasy «Ekspress K» basylymyna silteme jasap.
«Men adamdarmen tanysqan kezde ózimdi: «Nursultan» dep tanystyramyn, - deıdi jasóspirim. - Olar kúlimsirep: «famılııań Nazarbaev shyǵar?» dep ázildeıdi. Men: «Iá, durys aıtasyz, Nazarbaev», - deımin. Biraq kýáligimdi kórsetpeıinshe báribir senbeıdi», - deıdi QR Prezıdentiniń attasy. Bul týraly.
20 jastaǵy stýdenttiń aıtýynsha, aty-jóni Elbasymen birdeı bolǵandyqtan, ol árqashan eldiń nazarynda, óıtkeni qyzyǵýshylyq tanytyp jatatyndar kóp. Sonyń arqasynda ol bir kezderi mektep prezıdenti bolyp saılanǵan. Mekteptiń basty qyzmetine saılanatyn úmitkerdi tańdar kezde bireýler: «Bizde Nursultan Nazarbaev bar emes pe, odan basqa kim prezıdent bolýy múmkin?» dedi. Qorytyndysynda Nursultanǵa oqýshylardyń 80 paıyzy daýys berdi. Elbasynyń attasy mektepte úzdik oqyǵan kórinedi.
Qazir 20 jasar Nursultan Qyzylorda ýnıversıtetiniń úshinshi kýrsynda ıadrolyq fızıka mamandyǵynda oqıdy. Jazǵy kanıkýl kezinde ol qurylysta jumys isteý týraly sheshim qabyldapty, tapqan aqshasyna avtokólik satyp almaq oıy bar. Sondaı-aq Nursultan - aǵashtan túıin túıýdiń sheberi. Onyń ákesi - bul salanyń mamany, kásibı aǵash ustasy.
Aıta keteıik, áleýmettik jelilerdiń aqparatyna qaraǵanda, Qazaqstan boıynsha Elbasymen aty-jóni birdeı birqatar jandar bar. Bir qyzyǵy, barlyq Nursultan Nazarbaevtar - táýelsizdik qurdastary eken.
