Qyzylordalyq stýdent halyqaralyq zertteýshiler baıqaýynan tabysty oraldy

QYZYLORDA. QazAqparat - Qyzylordalyq stýdent Aqjaıyq Táji halyqaralyq zertteýshiler baıqaýynan tabysty oraldy, dep habarlaıdy QazAqparat tilshisi.

Halyqaralyq zertteýshiler baıqaýyna Qazaqstan jáne ózge de elderden 120-ǵa jýyq jas ǵalymdar qatysty. Baıqaý negizgi 3 kezeńnen turady. Qatysýshylar alǵashqy kezeńde 72 saǵatta ǵylymı maqalalardy daıyndaý týraly vebınarǵa qatysyp bilimin shyndady.

Ekinshi kezeńde jerlesimiz Almaty qalasynda ornalasqan Abaı atyndaǵy QazUPÝ-dan ishki jáne sheteldik retsenzentterdiń qatysýymen úzdik ǵylymı jobaǵa saraptaý júrgizildi.

Osylaısha halyqaralyq baıqaý jeńimpazdary anyqtaldy.

Aqjaıyq Táji barlyq kezeńnen súrinbeı ótip, fınalda úshinshi oryndy ıemdendi. Onyń ǵylymı eńbegi halyqaralyq basylymda jarııalanatyn boldy.

Aıta ketsek, ol Qorqyt Ata atyndaǵy Qyzylorda ýnıversıtetinde tálim alady.