Qyzylordalyq sportshy Iranda kúmis júldeger atandy
QYZYLORDA. QazAqparat - Qyzylordalyq sportshy Nurbaqyt Jumabek Iran astanasy - Tegeran qalasynda (Iran) eresekter arasynda ótken karate-do sportynyń kıokýshınkaı túrinen halyqaralyq jarysta kúmis júldeger atandy, dep habarlaıdy QazAqparat tilshisi.
Syr sportshysy 65 keli salmaqta synǵa tústi. Nurbaqyt jarys barysynda bes kezdesý ótkizdi. Alǵashqy kezdesýde qarsylastaryn aıqyn basymdyqpen jeńdi. Aqtyq synda Iran eliniń sportshysyna ese jiberip qoıdy.
Ony jarysqa Baýyrjan Muqanov daıyndady. Aıta keteıik, atalmysh jarysqa 12 memleketten 800-den asa sportshy qatysty.
Esterińizge sala ketelik, budan buryn Slovakııa astanasy Bratıslava qalasynda karate-do sportynan halyqaralyq týrnırde qyzylordalyq sportshylar Ásemgúl Erdáýlet altyn alsa, Qonysbek Álishershárip kúmis júldeger atandy.
