Qyzylordalyq sportshy Azııa chempıony atandy
QYZYLORDA. QazAqparat - Qyzylordalyq Farabı Saýytbaev ámbebap jekpe-jekten ótken qysqy Azııa chempıonatynda altynnan alqa taqty, dep habarlaıdy QazAqparat tilshisi.
Azııa chempıonaty Ózbekstan astanasy - Tashkent qalasynda ótti. Ol 65 keli salmaq dárejesinde synǵa tústi. Jarys barysynda qarsylastarynyń barlyǵyn tize búktirdi. Qyzylordalyq sportshy Aýǵanstan, Tájikstan jáne Ózbekstannan kelgen qarsylastaryn jeńdi.
F.Saýytbaev 1993 jyldyń 19 qazanynda Qyzylorda oblysy Aral aýdanynda dúnıege kelgen. Ámbebap jekpe-jekten Qazaqstan Respýblıkasynyń halyqaralyq dárejedegi sport sheberi. Ol byltyr álem chempıonatynda kúmis júldegeri atanǵan edi.
Qazirgi tańda №19 Aral aýdanynyń olımpıadalyq rezervtiń mamandandyrylǵan balalar-jasóspirimder mektebinde tálim alady. Onyń bapkeri - Baýyrjan Júsipov.
«Bıyl 8-10 mamyr kúnderi Qyzylorda qalasynda ámbebap jekpe-jekten el birinshiligi ótkiziledi. Oǵan Farabı Saýytbaev jáne oblystan ózge de jastar qatysady», - dedi ámbebap jekpe-jekten oblystyń aǵa jattyqtyrýshysy Nurbek Jarmahanov.
Atalmysh dodaǵa Azııanyń 10 elinen sportshylar keldi. Qazaqstan quramasy komandalyq esepte 3-orynnan kórindi.
