Qyzylordalyq sheneýnik jumysqa ornalastyrý úshin para alǵan

NUR-SULTAN. QazAqparat - Qyzylordalyq orman jáne janýarlar dúnıesin qorǵaý memlekettik mekemesiniń basshysy paramen ustaldy, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

«QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti «Qyzylorda orman jáne janýarlar dúnıesin qorǵaý jónindegi memlekettik mekemesi» KMM basshysynyń para alý faktisin anyqtady. Ol KMM qyzmetkerinen onyń tanysyn jumysqa ornalastyrǵany úshin 300 myń teńge para aldy dep kúdiktenýde», - delingen resmı habarlamada.

Kinásin tolyq moıyndaýyna baılanysty kúdiktige qatysty protsessýaldyq ustaý sharasy qoldanylmady.

«Tergeý jumystary jalǵasyp jatyr. Kinálilik dárejesin anyqtaý arqyly kúdiktige qatysty sońǵy úkimdi sot shyǵarady», - deıdi SJQІQA.