Qyzylordalyq shahmatshy Azııanyń 5 dúrkin chempıony atandy
ASTANA. QazAqparat - Vakadýva qalasynda (Shrı-Lanka) shahmattan oqýshylar arasynda ótip jatqan Azııa chempıonatynda qyzylordalyq Ásel Serikbaı bas júldeni jeńip aldy, dep habarlaıdy QazAqparat tilshisi.
Oblystyq sport basqarmasynyń baspasóz qyzmeti habarlaǵanda, otandasymyz 17 jasqa deıingi qyzdar arasynda rapıd boıynsha baq synasyp, 7 týrdan 6 upaı jınap, chempıon atandy. Bul onyń Azııa chempıonatynda besinshi márte top jarýy.
Shveıtsar júıesimen uıymdastyrylǵan jarysqa 17 memleketten 400 sportshy qatysýda. Dúbirli báseke 14 shilde kúni máresine jetedi.
Aıta keteıik, Ásel Serikbaı shahmattan FIDE sheberi jáne QR sport sheberi. Ol 12 dúrkin Qazaqstan jeńimpazy, 5 dúrkin Azııa chempıony (Sıngapýr 2015 j. klassıka, Tashkent 2017 j. klassıka, rapıd, blıts, Shrı-Lanka 2018 j., rapıd) 2 dúrkin Álem chempıony (Polsha 2011 j., Rýmynııa 2017 j.).
Ásel №1 Qyzylorda oblysynyń olımpıadalyq rezervtiń mamandandyrylǵan balalar-jasóspirimder mektebinde tálim alady.
