Qyzylordalyq shahmatshy álem chempıony atandy
QYZYLORDA. QazAqparat - Grekııanyń Halkıdıkı qalasynda shahmattan jasóspirimder arasyndaǵy Álem chempıonatynda qyzylordalyq Əsel Serikbaı altyn medal jeńip aldy, dep habarlaıdy QazAqparat tilshisi.
Ásel Serikbaı 16 jasqa deıingi qyzdar arasynda synǵa tústi. Ol shahmattyń blıts ádisi boıynsha 9 týrdan 7 upaı jınady. Osylaısha, altyn medal ıegeri atandy.
Aıta ketelik, Ásel Serikbaı buǵan deıin jasópirimder arasynda 2011 jyly Polshada, 2017 jyly Rýmynııada ótken Álem chempıonattarynda dál osyndaı bıikten kóringen edi.
Ásel endi atalmysh jarysta klassıka boıynsha baǵyn synaıdy. Álem birinshiligi 31 qazanda máresine jetedi. Jarysqa 40 memleketten 300-ge jýyq shahmatshy qatysýda.
Ə.Serikbaı 14-23 qarasha aralyǵynda Tashkentte 20 jasqa deıingi qyzdar arasynda ótetin Azııa chempıonatyna qatysady. Dúbirli dodada Əselmen birge qyzylordalyq Nazerke Nurǵalı da (18 jas) el namysyn qorǵaıdy.
