Qyzylordalyq Rýslan Ábdirazaqov túıe palýan saıysynyń chempıony atandy
QYZYLORDA. QazAqparat - Qyzylordada aýyl sharýashylyǵyna eńbegi sińgen qaıratker Sartaı Myhanovty eske alýǵa arnalǵan qazaq kúresinen túıe palýandar arasynda respýblıkalyq ashyq týrnır aıaqtaldy. Dúbirli básekege elimizdiń 7 oblysynan jáne Grýzııa, Ózbekstan, Qyrǵyzstan elderinen 31 palýan qatysty.
Nátıjesinde qyzylordalyq Rýslan Ábdirazaqov chempıon atanyp, Nissan patrol jeńil avtokóligin ıelendi. 2-oryndy qaraǵandylyq Erjan Shynkeev alsa, 3-oryndy Almaty qalasynyń palýany Arslan Abdamıt enshiledi, al 4-oryn Ózbekstan palýany Mýhsın Hısamıddınovke buıyrdy. Sondaı-aq, kórermender kózaıymy nomınatsııasyn Grýzııa eliniń palýany Levanı Matea Shvılı ıelenip, 500 myń teńgeniń sertıfıkaty tabystaldy.
