Qyzylordalyq Rahat Saǵymbaı Azııa chempıony atandy
QYZYLORDA. QazAqparat - Bangkok (Taıland) qalasynda grek-rım kúresinen 2000-2001 jyldary týylǵan jasóspirimder arasynda Azııa chempıonaty ótti. Dúbirli dodada jerlesimiz Rahat Saǵymbaı 63 keli salmaqta Azııa chempıony atandy, dep habarlaıdy QazAqparat HAA tilshisi
R.Saǵymbaı 2000 jyly 25 qańtarda Qazaly aýdany Áıteke bı kentinde dúnıege kelgen. On jasynan bastap grek-rım kúresimen shuǵyldanady. Bıylǵy jylǵy Qazaqstan Respýblıkasynyń jeńimpazy, Túrkııada jáne Grýzııada ótken Gran-prı týrnırlerdiń jeńimpazy atandy. 
Rahat endi ústimizdegi jyldyń qyrkúıek aıynda Grekııanyń Afına qalasynda bolatyn Álem chempıonatyna qatysady. Onymen birge oblysymyzdan Elaman Aıýp pen Ǵalymbek Nurǵalı da baq synasady.
