Qyzylordalyq prokýrorlar mıllıon teńgeden astam negizsiz alynǵan tólemderdi qaıtardy
Memleket múmkindigi shekteýli jandarǵa áleýmettik qamtamasyz etýmen qatar, salyqtyq mindettemelerdi tóleýde de túrli qoldaý kórsetip, kepildik beredi.
Prokýratýra ókilderiniń azamattardyń konstıtýtsııalyq quqyqtarynyń qorǵalýyna júrgizgen taldaýy barysynda, salyq jáne ózge de ýákiletti memlekettik organdar tarapynan múgedek jandardan kólik, jer, múliktik salyq, sonymen qatar, azamattyq sıpattaǵy aktilerdi tirkeý barysynda memlekettik baj salyqtaryn alyp kelgenin kórsetti.
Baıqońyr qalasynda 1173 múmkindigi shekteýli adam turady, onyń ishinde 552-i І-ІІ toptaǵy (45%), 250-i múgedek balalar (22%).
Atap aıtqanda, 2015 jáne 2016 jyldary olardyń árbir úshinshisinen, naqtylasaq, 421-nen 1 274 511 teńge kólemindegi salyqtyq tólemder zańsyz alynǵan.
Osy tektes kemshilikter múgedek jandardyń quqyqtaryna qatysty da oryn alyp, salyq mindettemelerinen tikeleı bosatýǵa múmkindik beretin Salyq kodeksiniń 365, 373, 403, 543, 546-baptarynyń buzylýyna jol bergen.
Bul memlekettik jeńildikter olarǵa ómir súrýde qolaıly jaǵdaı jasaýǵa baǵyttalǵan.
Osyǵan baılanysty Baıqońyr qalalyq prokýratýrasy artyq tólengen qarjylardy qaıtarý talabyn baqylaýǵa alyp, nátıjesinde 421 múmkindigi shekteýli adamnyń buzylǵan quqyǵyn tıisti deńgeıde jáne kezeksiz qalpyna keltirdi.