Qyzylordalyq poıyz astyna túsip mert boldy
QYZYLORDA. QazAqparat - Qyzylordada jolaýshylar poıyzy basyp ketken 26 jastaǵy turǵyn oqıǵa ornynda kóz jumdy, dep habarlaıdy QazAqparat tilshisi.
Temirjoldy kesip ótpek bolǵan turǵyndy «Qyzylorda-Petropavl» jolaýshylar poıyzy basyp ketti. Atalmysh oqıǵa 23 qańtarda bolǵan. Ol qalanyń KBI shaǵyn aýdany turǵyny ekeni belgili boldy.
«Jelilik polıtsııa bóliminiń qyzmetkerleri turǵyndarǵa temirjoldyń belgilengen aımaǵynan ótý jóninde qulaǵdar etip keledi. Degenmen oqys oqıǵa tirkeldi. Jolaýshylar poıyzy qaqqan azamat oqıǵa ornynda kóz jumdy. Qala turǵyndarynan temirjoldan tek belgilengen jerlerden ótýin suraımyz», - deıdi Qyzylorda stantsııasy jelilik polıtsııa bólimi bastyǵynyń birinshi orynbasary Erbol Ábdiramanov.
Oqıǵanyń sebep-saldary anyqtalyp jatyr.
