Qyzylordalyq polıtseılerdiń jańa býyny ant qabyldady
QYZYLORDA. QazAqparat - Táýelsizdik kúni qarsańynda polıtsııa qyzmetine jańadan qabyldanǵan 25 polıtsııa qyzmetkeri qyzmetti adal jáne abyroımen atqarýǵa, Qazaqstan Respýblıkasy azamattarynyń quqyǵy men bostandyqtaryn qorǵaýǵa saltanatty túrde ant berdi,dep habarlady QazAqparat tilshisi OІІD silteme jasap.
Shara Memlekettik rámizder alleıasynda ótti. Saltanatty jıynǵa departament basshylyǵy, qyzmetkerleri jáne ardagerlerinen bólek jas polıtseılerdiń ata-analary men jaqyndary da qatysty.
Qyzmetke jańadan kelgen 25 jastyń 10-y jergilikti polıtsııa qyzmetiniń qataryn tolyqtyrdy, al qalǵandary tergeýshiler, anyqtaýshylar, kadr qyzmetkerleri jáne jedel ýákilder.
Alǵashqy bolyp ant qabyldaǵan Saǵyndyq Myrzaqojaev búginnen bastap jergilikti polıtsııa qyzmetindegi alǵashqy kezekshiligine shyqpaq. Ol qatardaǵy polıtseı, alaıda 2 aıdan keıin polıtsııa kishi serjanty shenin alady. Saǵyndyq ofıtser bolǵysy keledi jáne polkovnık shenine deıin qyzmet etýdi armandaıdy.
«Balasy báıgege tússe, ata-anasy úıde otyryp taqymyn qysady» demekshi, balasynyń jetistigin kórip, boılaryn kernegen maqtanysh sezimderin jasyra almaǵan ata-analar da óz oılaryn bildirdi. «Men úshin jáne meniń ulym úshin bul sát eshqashan umytylmaıdy. Sebebi ol búgin Otanynyń aldynda ant qabyldaı otyryp halqynyń qaýipsizdigi men tynyshtyǵynyń saqtalýyn óziniń basty mindeti, azamattyq boryshy etti»,-deıdi Meıramkúl Dúısenbaeva.
Jas polıtsııa qyzmetkeriniń 3-ýi qyz bala. Solardyń biri - Zilǵaraeva Elmıra Serikqyzy. Ol osy saltanatty is-shara aıaqtalysymen óziniń jumys ornyna, ıaǵnı Kadr jumys basqarmasyna attanatyn bolady. Onyń basty mindeti - qyzmetkerlerdiń jeke qujattaryn ázirleý, qadrlyq saıasatty júzege asyrý.
Polıtsııa qyzmetine jańadan qosylǵan jas býyndy aıtýly kúnderimen ishki ister departamenti bastyǵynyń orynbasary polıtsııa polkovnıgi Ospanov Jaras quttyqtady. Ant qabyldaý - árbir polıtsııa qyzmetkeri úshin tolǵandyratyn saltanatty sát ekendigin atap ótip, óziniń qyzmetin, ómirlik jolyn halyqqa qyzmet etýmen baılanystyrǵan jas qyzmetkerlerdiń azamattyq boryshtaryn abyroımen atqarýlaryna tilektestik bildirdi ol.
