Qyzylordalyq polıtseıler jolda qalyp qoıǵan jolaýshylardy qutqardy
QYZYLORDA. QazAqparat - Qyzylordalyq polıtseıler sýyqta jolda qalǵan jolaýshylardy qutqardy, dep habarlady QazAqparat tilshisi oblystyq ІІD baspasóz qyzmetine silteme jasap.
Jol-patrýldik polıtsııasynyń qyzmetkerleri «Shymkent-Samara» jolynyń Tartoǵaı eldimekeni tusynda turǵan «Mersedes-Sprınter» markaly shaǵyn avtokólikti baıqaıdy. Tekserý kezinde, kúnniń sýyǵynan avtokóliktiń janarmaıy qatyp avtokóliktiń otalmaı qalǵandyǵyn anyqtaıdy.
Avtokóliktiń ishindegi 20 jolaýshyny tońyp qalmaýy úshin polıtsııa qyzmetkerleri Shıeli baǵytyna bara tartqan kólikterdi toqtatyp, otyrǵyzyp jibergen.
Al, aqaýy bar shaǵyn avtobýs Shıeli kentiniń avtokólik jóndeıtin ornyna jetkizildi.
Dál osyndaı jaǵdaı «Qyzylorda-Aral» jolynda qaıtalandy. Baıqońyr qalasyna baǵyt alǵan avtobýs isten shyǵyp, ishindegi 47 jolaýshysymen qosa jol boıynda qalyp qoıǵan. Atalmysh avtobýstaǵy adamdardy polıtseılerjárdem berip, adamdardy qutqardy.
Aıta keterlik jaıt, bir kún ishinde polıtsııa qyzmetkerleri jol boıynda qalǵan 15 avtokóliktegileri kómek kórsetti.
