Qyzylordalyq polıtseıler jolda qalǵan 2602 jolaýshyǵa kómektesti
Burqasynǵa baılanysty «Samara - Shymkent» tasjolynyń Qyzylorda oblysy Qarmaqshy aýdanynan Aqtóbe oblysynyń shekarasyna deıingi aralyqta jolaýshylar qatynasynda qıyndyq týyndady. Bul aralyqta barlyq kólik quralynyń qozǵalysyna shekteý qoıyldy.
Polıtsııa departamentiniń qyzmetkerleri oqys oqıǵalardyń aldyn alý úshin táýlik boıy patrýldeý jáne baqylaý jumystaryn júrgizip, kúsheıtilgen kezekshilikke qyzmetin atqardy.
Nátıjesinde polıtseıler 1356 kóliktegi 2602 jolaýshyǵa qol ushyn sozdy.
Polıtsııa qyzmetkerleri olardy jaqyn mańdaǵy keshenderge jetkizip, ystyq tamaqpen qamtamasyz etti. Ártúrli tehnıkalyq aqaýǵa baılanysty turyp qalǵan avtokólikterdiń júrgizýshileri men jolaýshylaryna alǵashqy kómek kórsetildi.
Budan buryn Qyzylordada elsiz dalada adasqandar qutqarylǵan edi.