Qyzylordalyq polıtseıler saıajaılarda reıd júrgizdi
QYZYLORDA. QazAqparat - Qyzylordalyq tártip saqshylary qala mańyndaǵy saıajaılarǵa reıd júrgizip jatyr, dep habarlaıdy QazAqparat tilshisi.
Baqylaý jumystary «Pışevık», «ıAgodka», «Drýjba», «Stroıtelnaıa» saıajaılarynda júrgizildi. Іs-sharaǵa 42 qyzmetker jáne 6 avtopatrýl jumyldyryldy.
«Reıd kezinde 6 ákimshilik quqyq buzýshylyqtar anyqtady. Olar QR Ákimshilik quqyq buzýshylyq kodeksiniń 440-babymen (qoǵamdyq oryndarda masań kúıde júrý) - 4, 608-babymen (avtokólikti masań kúıde basqarý) 1, 612-babymen (avtokólikti qujatsyz basqarý) - 1 deregi anyqtalyp, quqyq buzýshylardyń barlyǵy jaýapkershilikke tartyldy», - dep jazylǵan oblystyq ishki ister departamenti taratqan habarlamada.
Reıd barysynda ishki ister organdarynda tirkeýde turǵan 4 ańshy myltyǵy bar qarý ıeleri de tekserildi. Sondaı-aq, ishki ister organdarynda esepte turatyn 8 tulǵamen profılaktıkalyq áńgimelesýler júrgizildi.
Esterińizge sala ketelik, ústimizdegi jyldyń 4 shildesinde Qyzylorda qalasyndaǵy «ıAgodka» saıajaıynda qylmysker 9 jasar qyzdy zorlap, ony qorǵaýǵa umtylǵan anasyn óltirgen bolatyn.
