Qyzylordalyq polıtseıler órtten 2 balany qutqaryp qaldy
ASTANA. QazAqparat - Qyzylordada polıtsııa qyzmetkeri órtten eki balany qutqardy, dep habarlaıdy QazAqparat ІІD baspasóz qyzmetine silteme jasap.
«Búgin saǵat 11:15 shamasynda departamenttiń Jyldam qımyldaıtyn arnaıy jasaǵynyń ınspektory, polıtsııa kapıtany Nurjanov Baýyrjan Shymkent kóshesiniń boıyndaǵy №24 úıdiń joǵarǵy qabatynan órt shyǵyp jatqanyn kórip, dereý «101» nómirine habarlama beredi. Ózi órt shyqqan páterdiń esigin syndyryp, ishine kiredi. Ózinen keıin oqıǵa ornyna Krımınaldyq polıtsııa basqarmasynyń aǵa jedel ýákili polıtsııa podpolkovnıgi Ýalıhan Ismaılov ekeýi órtke oranǵan páter ishinen 5 jáne 6 jastaǵy balalardy qutqaryp alyp shyqty», - delingen baspasóz habarlamasynda.
Sol jerde balalarǵa alǵashqy medıtsınalyq kómek kórsetildi.
Órtte eshkim zardap shekken joq.
