Qyzylordalyq polıtseıler qaza bolǵan áriptesterin bir mınýt únsizdikpen eske aldy
Qyzylorda oblysy Polıtsııa departamentiniń jeke quramy sapqa turdy. Búlik kezinde qaza tapqan beıbit turǵyndar men áskerılerdi, quqyq qorǵaý organdarynyń qyzmetkerlerin bir mınýt únsizdikpen eske alyp, qurmet kórsetti.
«Qyzylordalyq polıtseıler barlyq Qazaqstan halqymen birge qaıǵyrýda. Bul bizdiń elimiz úshin úlken tragedııa», – dedi Qyzylorda oblysy Polıtsııa departamentiniń bastyǵy polıtsııa polkovnıgi Sultan Bektóre.
Qyzylorda oblysy Polıtsııa departamentiniń Ardagerler keńesiniń tóraǵasy Serikbol Tuńǵyshbaı eń basty halyqtyń eldiń tynyshtyǵy qajet ekenin jetkizdi.
«Birde bir adam beı-jaı qarap qalmaýy tıis. El basyna kún týǵan sátte beıbitshilik pen turaqtylyq bolýy úshin biz birigýimiz kerek. Eń bastysy – halqymyzdyń amandyǵy men elimizdiń tynyshtyǵy», – dedi Qyzylorda oblysy Polıtsııa departamentiniń Ardagerler keńesiniń tóraǵasy Serikbol Tuńǵyshbaı.
