Qyzylordalyq polıtseıler halyqaralyq qarttar kúnin atap ótti
QYZYLORDA. QazAqparat - 1 qazan kúnine oraı Qyzylorda oblystyq ishki ister departamentiniń uıymdastyrýymen «Halyqaralyq qarttar kúni» merekesi atalyp ótildi, - dep habarlady QazAqparat tilshisi oblystyq ІІD-ge silteme jasap.
Qala men aýdan ortalyqtarynan kelgen ishki ister organdary ardagerlerine «Tehas» kafesinde dastarhan jaıyp, qarttardyń basyn qosty.
Merekelik sharada Qyzylorda oblystyq ishki ister departamentiniń bastyǵy Q.Muhıtov sóz alyp, qarttardy merekelerimen quttyqtady.
«Sizderdiń ómirlik tájirıbelerińiz ben aqyl-keńesterińiz, tálim-taǵylymdaryńyzdyń biz úshin orny bólek. Sebebi, árqaısylaryńyzdyń oblysymyzdyń ósip-órkendeýine qosqan úlesterińiz ben eńbekterińiz eren. Talaı jasty tárbıelep, izbasarlaryńyzdy ósirdińizder. Búgin, eńbekterińizdiń zeınetin kórip otyrǵan shaqta da Sizder urpaqtaryńyzǵa ıgilik pen izgiliktiń, paıym-parasattyń úlgisin tanytýdan jalyqqan emessizder, barshańyzǵa myqty densaýlyq, kóterińki kóńil-kúı, uzaq ǵumyr tileımin», - dep qarttarǵa izgi tilekterin arnady.
Sondaı-aq merekelik sharada ІІD bastyǵy polıtsııa polkovnıgi ardager qarttardy arnaıy alǵys hattarmen marapattady. Dastarhannyń basynda qarttar bir-birine alǵystary men quttyqtaýlaryn aıtyp, merekelik kóńil-kúımen ásem ánderin shyrqady.
Dana qazaq halqy ejelden qarııalardy erekshe syılaǵan. Qarııalarǵa qamqor bolý - barlyq qoǵamnyń jáne árbirimizdiń mindetimiz, óıtkeni jasy ulǵaıǵan adamdar - memleketimizdiń altyn qory, dástúrlerdiń saqtaýshysy, patrıottylyqtyń, iske degen adaldyqtyń, uly shydamdylyq pen senimdiliktiń jarqyn úlgisi.
