Qyzylordalyq polıtseıler esirtki zatyn satý faktisin áshkereledi
QYZYLORDA. QazAqparat - Qyzylordada polıtsııa qyzmetkerleriniń júrgizgen jedel uıymdastyrý sharalary barysynda 2000 teńgege 2 dana gazet qıyndysyna oralǵan, ózine tán erekshe ıisi bar zatty satpaq bolǵan jerinen 1970 jylǵy Syrdarııa aýdanynyń turǵyny ustaldy,-dep habarlady QazAqparat tilshisi oblystyq ІІD silteme jasap.
Tárkilengen zatqa tıisti saraptama taǵaıyndalyp, nátıjesinde ol salmaǵy 3,31 gr jáne 4,0 gr «keptirilgen marıhýana» ekendigi dáleldendi.
Ustalǵan azamattyń úıin tekserý barysynda taǵy 1 jarym kılogramǵa jýyq esirtki zaty tabyldy. Ony kúdikti úı aýlasyndaǵy jertólege polıetılen paketine orap, tyǵyp qoıǵan. Zatqa saraptama taǵaıyndalyp, jalpy salmaǵy 1 kg. 260 gr.-dy quraıtyn «keptirilgen marıhýana» ekendigi belgili boldy.
Qazirgi tańda Qazaqstan Respýblıkasy Qylmystyq kodeksiniń 297-babynyń 1-bóligi jáne 296-babynyń 4-bóligi boıynsha qylmystyq is qozǵaldy. Kúdikti Syrdarııa AІІb-niń Ýaqytsha ustaý abaqtasyna qamaqqa alyndy. Tıisti sotqa deıingi tergep-tekserý amaldary júrgizilip, basqa da qylmystarǵa qatystylyǵy anyqtalýda.
Dál osyndaı fakt 16 aqpan kúni de tirkelgen. Esirtki zatyn saýdalap turǵan jerinen 1968 jyly týǵan Besaryq aýylynyń turǵyny ustaldy. Oqıǵa ornynan aıǵaq zat retinde 2 dana gazet qıyndysyna oralǵan jasyl tústi ózine tán ıisi bar zat alyndy. Belgisiz zatqa saraptama taǵaıyndalyp, ol 5,39 gr.-dy jáne 5,83 gr.-dy quraıtyn «keptirilgen marıhýana» ekendigi anyqtaldy.
Atalǵan derek boıynsha Qazaqstan Respýblıkasy Qylmystyq kodeksiniń 297-baby 1-bóligi negizinde qylmystyq is qozǵalyp, sotqa deıingi tergep-tekserý amaldary júrgizilýde.
