Qyzylordalyq polıtseıler Aqtóbede zardap shekkenderge arnap qan tapsyrýda (FOTO)

QYZYLORDA. QazAqparat - 5 maýsymda Aqtóbe qalasynda bolǵan lańkestik shabýyl saldarynan zardap shekken azamattarǵa kómek qolyn sozý maqsatynda qyzylordalyq polıtseıler qan tapsyrý sharasyna ótkizdi.

Atalmysh shara Qyzylorda oblystyq Іshki ister departamentiniń uıymdastyrýymen maýsym aıynyń 13-15 kúnderi aralyǵynda ótkizilýde. ІІD baspasóz qyzmetiniń habarlaýynsha, sharanyń basty maqsaty - qandy oqıǵada kóz jumǵan  qurbandardy eske alý jáne aýyr qazaǵa ushyraǵan otbasylardyń qaıǵysyna ortaqtasý, zardap shekken azamattarǵa kómek qolyn sozý.

Búgin tańǵy saǵat 9-dan bastap polıtsııa qyzmetkerleri Oblystyq medıtsına ortalyǵyna jınalyp, óz erikterimen qan tapsyrý sharasyn bastap ketti.  

Qamqorlyq aktsııasyna túske deıin barlyǵy 50-ge jýyq qyzmetker qatysyp, quqyq qorǵaý organdary qyzmetkerleriniń «qınalǵanǵa qol ushyn ber» prıntsıpin basshylyqqa alatyndyqtaryn dáleldedi. Shara 15 maýsymǵa deıin jalǵasatyn bolady.