Qyzylordalyq polıtseıler 74,5 mln teńgeni urlap ketken qylmyskerdi qolǵa túsirdi

QYZYLORDA. QazAqparat - Qyzylordalyq polıtseıler fırmadan 74,5 mln teńgeni urlap, 2014 jyldan beri izdeýde júrgen qylmyskerdi qolǵa túsirdi, dep habarlaıdy QazAqparat tilshisi.

Qyzylorda oblysy Polıtsııa departamentiniń Krımınaldyq polıtsııa basqarmasynyń qyzmetkerleri 2014 jyldan beri izdeýde júrgen qylmyskerdi ustady. Qostanaı oblysynyń 56 jastaǵy turǵyny adamdar tobynyń aldyn ala sóz baılasýy arqyly asa iri mólsherde urlyq jasaǵan.

«Ol 2012 jyldyń aqpan aıynda sybaılasymen birge jalǵan kelisim-shart jasaǵan. Nátıjesinde Qyzylorda qalasyndaǵy fırmalardyń birinen 74 580 940 teńgeni bank arqyly esepshotyna aýdaryp, jymqyryp ketken. Oǵan qatysty qylmystyq is qozǵaldy. Bas sharasy boıynsha «qamaýǵa alý» bultartpaý sharasy qoldanylyp, izdeý jarııalanǵan bolatyn. Arnaıy izdestirý isi arnalyp, tıisti sharalar júrgizilgen», - dep málim etti Qyzylorda oblystyq polıtsııa departamentinen.

Vedomstvo málimetinşe, Qyzylorda oblysy Polıtsııa departamentiniń qyzmetkerleri ony Aqmola oblysynda qolǵa túsirdi. Ol Nur-Sultan qalasynda qamaýǵa alynǵan.

Eske salsaq, budan buryn Qyzylordada bireýdiń aýlasynan 5 mln teńgeniń qurylys zattaryn urlaǵan adam ustaldy.