Qyzylordalyq polıtseıler 6 páterdi tonaǵan qylmystyq topty quryqtady
QYZYLORDA. QazAqparat - Páter urlyqtary qylmystarynyń betin ashý, kináli azamattardy qylmystyq jaýapkershilikke tartý maqsatynda júrgizgen jedel-izdestirý sharalary barysynda qyzylordalyq polıtseıler 6 márte páter tonap, qala turǵyndaryna iri kólemde shyǵyn keltirgen 2 adamnan turatyn qylmystyq topty quryqtady. Bul týraly OІІD baspasóz qyzmeti habarlady.
Ustalǵan qylmystyq top músheleriniń, ıaǵnı 1990 jyly jáne 1995 jyly týǵan azamattardyń qylmystyq is-áreketteri tolyǵymen dáleldenip, aıǵaq zattary alyndy. Tergeý jumystary barysynda olardyń qatysýymen tómendegideı qylmystar oryn alǵandyǵy belgili boldy.
Atap aıtqanda, joǵaryda atalǵan azamattar 2015 jyldyń 10 shildesinde saǵat 08.30-15.00 aralyǵynda Qyzylorda qalasy turǵynynyń úı-jaıyna ekinshi qabatta ornalasqan bólmeniń terezesi arqyly kirip, jatyn bólmede turǵan ızýmrýd tastary bar 1 brıllıant alqasyn, 1 dana merýert brıllıantyn, gaýhar tastary bar 1 bilezigin, brıllıant tastary bar 1 komplekt buıymdaryn, 2 altyn alqasyn, 1 dana sapfır tastary bar brıllıant alqasyn urlap ketken. Shyǵynnyń jalpy somasy 3 959 300 teńgeni qurap otyr.
Sonymen qatar, aǵymdaǵy jyldyń 23 qazanynda Qyzylorda qalasynyń turǵyny tańerteńgi ýaqyt shamasynda belgisiz bireýdiń úıine zańsyz kirip, jatyn bólmesindegi shkaf ishinen 1 600 000 teńge aqshasyn urlap ketkendigi jóninde aryzdanǵan.
Dál osyndaı derek 2015 jyldyń 30 qazanynda saǵat 10.00-13.00 shamasynda oryn alǵan. Qyzylorda qalasynyń turǵyny, zeınetker belgisiz bireýlerdiń úıde eshkim joqtyǵyn paıdalanyp, úıdiń terezesi arqyly kirip, shkaf ishinde turǵan altyn buıymdaryn, 2 altyn saqınasyn, altyn saǵatyn, altyn alqasyn, altyn neke júzigin urlap ketkendigi jóninde aryzdanǵan bolatyn. Shyǵynnyń jalpy somasy 160 000 teńgeni qurap otyr.
2015 jyldyń 2 naýryzynda oblys ortalyǵynyń turǵyny túski saǵat 14.00-16.30 aralyǵynda belgisiz bireý úıine as bólmesiniń terezesi arqyly kirip, jatyn bólmesindegi shkaftan 99 000 teńge aqshasyn, 76 000 teńge turatyn altyn bilezigin, 25 000 teńge turatyn altyn syrǵasyn, 50 000 teńge turatyn altyn syrǵasyn, 16 000 teńge turatyn «Samsýng» markaly planshetin urlap ketip, 266 000 teńge kóleminde shyǵyn keltirgendigi jóninde aryzdanǵan bolatyn.
2015 jylǵy 19 qyrkúıekte PMK-70 móltek aýdanynyń turǵyny tańǵy saǵat 07.30-11.30 aralyǵynda belgisiz bireýler úıiniń esik qulpyn buzyp kirip, jatyn bólmesindegi sandyqshadan 115 000 teńge aqshasy men quny 30 000 teńge turatyn altyn saqınasyn, 25 000 teńge turatyn kúmis komplektisin urlap ketip, jalpy somasy 170 000 teńge turatyn zalal keltirgendigi jóninde aryzdanǵan bolatyn.
Dál osyndaı derek 2015 jyldyń 28 qarashasy, saǵat 07.30-14.30 shamasynda oryn alǵan. Tumar ótkel kóshesiniń turǵyny belgisiz bireýlerdiń úıiniń terezesi arqyly kirip, jatyn bólmesindegi shkaf ishinen 110 000 teńge aqshasy men altyn buıymdaryn urlap ketkendigi jóninde aryzdanǵan. Shyǵynnyń jalpy somasy 300 000 teńgeni qurap otyr.
Oryn alǵan qylmystar boıynsha QR Qylmystyq kodeksiniń 188-baby, 2,3-bóligi boıynsha qylmystyq is qozǵalyp, sotqa deıingi tergep-tekserý amaldary júrgizilýde. Eki kúdikti azamat ta Qyzylorda QІІB-niń ýaqytsha ustaý ızolıatoryna qamaýǵa alynyp, kúdiktilerdiń basqa da qylmystarǵa qatystylyǵyn anyqtaý maqsatynda tıisti jumystar jasalýda.
