Qyzylordalyq polıtseıler 3 aıda zańsyz aınalymnan 14 keliden astam esirtki tárkiledi
QYZYLORDA. QazAqparat-Qyzylorda oblysy kóleminde esirtki bıznesine qarsy kúres baǵytynda atqarylǵan jedel-qyzmettik sharalardyń nátıjesinde bıylǵy jyldyń 3 aıynda esirtkige baılanysty 129 derek anyqtalyp, sotqa deıingi tergep-tekserýdiń biryńǵaı tizilimine tirkelgen. Bul týraly QazAqparat HAA tilshisi oblystyq ІІD silteme jasap habarlady.
Tirkelgen 32 qylmystyq istiń 13-i esirtki zattaryn asa iri mólsherde zańsyz saqtaýmen, 17-si esirtkini saýdalaýmen, -ýi ósirýge tyıym salynǵan ósimdikterdi egip, baptaýmen jáne 1 jaǵdaı esirtki tutyný úshin prıton uıymdastyrýmen baılanysty.
Sondaı-aq, tirkelgen 97 buzaqylyq áreketterdiń 93-i QR QK-niń 296-babynyń 1,2,3 bólikterinde jáne 4-i QR QK-niń 303-babynda kózdelgen qylmystar.
Zańsyz aınalymnan barlyǵy 14 keli 199 gr. esirtki zaty tárkilengen.
Mysaly, Batys Qazaqstan oblysynyń ishki ister departamenti jedel-izdestirý sharasynyń nátıjesinde 1980 jyly týǵan oblys ortalyǵynyń turǵyny Qyzylorda oblysynan Batys Qazaqstan oblysyna 2 keliden astam esirtki tasymaldaý ústinde ustalyp, qamaqqa alyndy. Kúdikti azamatqa qatysty Qazaqstan Respýblıkasy Qylmystyq kodeksiniń 296-babynyń 4-bóligimen qylmystyq is qozǵaldy.
