Qyzylordalyq polıtseıler 11 páter urlyǵyna qatysy bar boıjetkendi qolǵa túsirdi
QYZYLORDA. QazAqparat - Bıyl 26 qańtarda Qyzylorda qalasynyń turǵyny Araı móltek aýdany aýmaǵyndaǵy úıine belgisiz bireýler eshkim joq kezde kirip, altyn, kúmis buıymdaryn, «Asus» úlgisindegi noýtbýgyn, Nokia markaly uıaly telefonyn urlap ketkendigin habarlaǵan. Nátıjesinde úı egelerine 325 000 teńge kóleminde shyǵyn keltirilgen. Uıymdastyrylǵan jedel-izdestirý sharalary barysynda polıtsııa qyzmetkerleri oblys ortalyǵynyń 23 jastaǵy azamatshasyn ustady. Bul týraly QazAqparat HAA tilshisi oblystyq ІІD-ge silteme jasap habarlady.
Tergeý jumystary barysynda kúdiktiniń 10 páter urlyǵyna qatysy bary anyqtalǵan. 23 jastaǵy azamatsha barlyq páter urlyǵy qylmystaryn bir júıemen iske asyrǵan. Plastık terezeleri bar táýir úılerdi tańdap, ol úılerde úı qojaıyndary joq ekendigine kóz jetkizip, terezeni buzyp kirip, altyn buıymdardy, aqsha, uıaly telefondar men noýtbýktardy qoldy etip otyrǵan. Negizinen barlyq urlyq qylmystary kúndizgi ýaqyttarda, ıaǵnı saǵat 09.00-den 18.00 aralyǵynda oryn alǵan. Jábirlenýshilerge keltirilgen jalpy shyǵyn kólemi 2 mln. teńgege jýyqtap otyr.
Qazirgi tańda QR Qylmystyq kodeksiniń 188-baby 2-bóligi (Urlyq) negizinde qylmystyq is qozǵalyp, sotqa deıingi tergep-tekserý amaldary júrgizilýde. Aıǵaqty zattar alynyp, ustalǵan azamatshanyń taǵy osyndaı faktilerge qatystylyǵy anyqtalý ústinde.
