Qyzylordalyq polıtseıler 1 728 599 teńgeniń buıymdaryn urlaǵan urylardy tap bastyrmaı ustady
QYZYLORDA. 18 mamyr. QazAqparat /Jańagúl Serdaly/ - Qyzylorda qalalyq ishki ister basqarmasynyń qyzmetkerleri «Logycom» saýda úıine urlyqqa túsip, jalpy quny 1 728 599 teńge turatyn múlikterdi urlaǵan top múshelerin qylmystyń izin sýytpaı ustady,
dep habarlaıdy qalalyq ishki ister basqarmasynyń baspasóz qyzmetkeri Qaldybek Abdýllaev.
Ózgeniń múlkin ıemdenip ketpek bolǵan baýkespeler osylaı tártip saqshylarynyń quryǵynan qutylyp kete almady. Osy qylmys ashylǵan boıda dúkenniń ıesi - «El Sı Treıd» JShS Qyzylorda fılıalynyń dırektory Erǵalı Ótepbergenov qyraǵy polıtseılerdiń bárine alǵysyn bildirip, baǵaly syılyqtar tabys etti.
Qazir seziktiler ústinen qylmystyq is qozǵaldy. Urlanǵan zattar dúken ıesine qaıtaryldy.
