Qyzylordalyq polıtseı Los-Andjeleste ótken álem birinshiliginde qola júlde aldy
QYZYLORDA. QazAqparat- Qyzylordalyq polıtseı Los-Andjeleste ótken álem birinshiliginde qola júlde aldy, dep habarlaıdy QazAqparat tilshisi.
Bıylǵy jyldyń 10-16 tamyz aralyǵynda AQSh-tyń Kolıfornııa shtatynyń Los-Andjeles qalasynda Búkilálemdik polıtseıler jáne órt sóndirýshiler arasynda álem birinshiligi ótýde.
Atalǵan sporttyq sharaǵa álemniń 67 elinen quqyq qorǵaý organdarynyń 8 myńnan astam qyzmetkerleri qatysyp, baqtaryn synaýda.
Bul jarysqa Qazaqstannyń namysyn qorǵaý úshin Qyzylorda oblysy ishki ister departamentiniń jedel áreket etý jasaǵynyń aǵa ınspektory polıtsııa aǵa leıtenanty Abdýllaev Erjan Serikbaıuly qatysyp, jarystyń birinshi kúni-aq elimizdiń qorjynyna dzıýdo sporty boıynsha qola júlde saldy.
Jarys kezinde 81 keli salmaq dárejesindegi atlettermen beldesip, olardy tize búktirgen Erjan fınalda reseılik jáne belgııalyq qarsylastaryna ǵana jol berip, ІІІ oryn ıegeri atandy.
Polıtsııa aǵa leıtenanty Erjan elimizde ótkizilgen birneshe sporttyq sharalarda top jarǵan. Atap aıtqanda, 2015 jyly Shý qalasynda ótkizilgen ІІM chempıonatynyń qoıan-qoltyq kúresi boıynsha ІІ oryn júldegeri, 2017 jyly naýryz aıynda ótkizilgen QR chempıonatynyń sambo kúresinen ІІІ oryn ıegeri, T.Kómekbaev atyndaǵy sambo týrnıriniń ІІ oryn júldegeri atanǵan.
