Qyzylordalyq polıtseı eki adamdy órtten qutqardy
QYZYLORDA. QazAqparat - Qyzylorda qalalyq polıtsııa basqarmasy Jergilikti polıtsııa qyzmetiniń ýchaskelik polıtsııa qyzmetkeri Ramazan Aldabergenov órtenip jatqan úıden bir aılyq náreste men anasyn aman alyp shyqty, dep habarlaıdy QazAqparat tilshisi.
Kezekshilik qyzmetin atqaryp júrgen Ramazan 102 operatorynan «M.Áýezov kóshesindegi kópqabatty úıdiń birinde órt bolyp jatyr» degen habarlama alyp, dereý oqıǵa ornyna bardy. Sol jerde Ramazan páterdiń ishinde bir aılyq balasymen birge áıel kisiniń qalyp qoıǵanyn estidi.
Táýekelge bel býǵan polıtseı ózine de qaýip tónip turǵanyna qaramastan kók tútinge oranǵan páterden ana men balasyn alyp shyqqan. Osyndaı erjúrektiginiń arqasynda ol eki adamnyń ómirin saqtap qaldy. Qutqarylǵan adamdardy jedel járdem qyzmetine aman-esen tabystady.
«Men bul áreketimdi erlik dep sanamaımyn. Ózimniń qyzmettik mindetim dep uǵamyn. Bastysy - adam ómirin arashalap qalǵanym», - deıdi Ramazan Aldabergenov.
Ramazan Aldabergenov 2017 jyldan bastap polıtsııa salasynda qyzmet atqaryp keledi.
