Qyzylordalyq órenderdiń oqý úlgerimi halyqaralyq zertteýde baǵalanady
QYZYLORDA. QazAqparat - Syr óńirinde mektep jáne kolledjde bilim alyp júrgen órenderdiń oqýdaǵy jetistikterin baǵalaýdyń Program for lnternational Student Assessment (PISA) halyqaralyq zertteýi bastaldy, dep habarlaıdy QazAqparat oblystyq bilim basqarmasyna silteme jasap.
Halyqaralyq zertteý sharasy 15 jasqa tolǵan bilim alýshylardyń fýnktsıonaldyq saýattylyǵyn eksheıdi. Ol adam damýynyń ındeksi kórsetkishiniń biri retinde sanalady. Osy baǵytta oqýshylar matematıka, jaratylystaný jáne oqý saýattylyqtary boıynsha bilimin tarazylaı alady. Bizdiń elimiz bul zertteýge 2009 jyldan beri qatysyp keledi.
Mamandardyń aıtýynsha, oǵan kezdeısoq iriktelip alynǵan 27 mektep pen 8 kolledjdiń bilim alýshylary qatysady. Zertteýdiń alǵashqy kúninde qyzylordalyq órender hımııa-bıologııa baǵytyndaǵy Nazarbaev zııatkerlik mektebinde kompıýter arqyly test tapsyryp shyqty. 2 sáýirde bastalǵan zerteý 14 mamyrda máresine jetedi.
Ádilet Qańtarbaev
