Qyzylordalyq óren Ýkraınada ótken halyqaralyq án festıvalinde bas júlde aldy
Bıyl 25-shi márte ótkizilgen festıvalde Dinmuhamed vokaldyq án nomınatsııasy boıynsha jeńimpaz atandy. Ol oblystyq halyq shaǵarmashylyǵyn damytý ortalyǵynda tálim alady. Oǵan buǵan deıin Qazaqstannyń eńbek sińirgen ártisi Qarakóz Aqdáýletova tálim berdi. Qazir Dinmuhamed ustaz Jadyra Belgibaevadan án aıtýdyń qyr-syryn úırenip júr. Konkýrs barysynda J.Belgibaeva alǵys hatpen marapattaldy.
D.Tóleýbaı bıylǵy jyldyń qańtar aıynda Belarýste ótken «Art-parad» konkýrsynda Gran-prı ıegeri atanǵan bolatyn.
«Dinmuhammedtiń úlken atasy - Tóleýbaı kezinde aqyndyǵymen kózge túsken eken. Kóptegen shyǵarmalary merzimdik basylymdarda jarııalanǵan. Aıtysta da óz qoltańbasyn qaldyrǵan. Atadan juǵysty bolǵan sol ónerdiń kıesi bizdiń Dinmuhammedke qonǵan shyǵar deımiz. Ákesi - Aǵabek pen anasy - men ekeýimiz de ónerden qashyqpyz», - dedi anasy Lıda Bısenova.