Qyzylordalyq óren halyqaralyq baıqaýda jeńimpaz atandy
QYZYLORDA. QazAqparat - Qyzylordalyq ónerpaz Dinmuhammed Tóleýbaı Belarýs jerinde ótken «Art-parad» konkýrsynyń Gran-prı ıegeri atandy, dep habarlaıdy QazAqparat tilshisi.
Bıyl alǵash ret ótkizilgen halyqaralyq konkýrsqa álemniń kóptegen elderinen ónerpazdar keldi. Qazylar alqasy qyzylordalyq jetkinshektiń ónerin joǵary baǵalady.
Dinmuhamed Qyzylorda qalasyndaǵy №11 mekteptiń 7-synybynda oqıdy. Daryndy jas buǵan deıin de birneshe baıqaýǵa qatysty. Onyń akademııalyq baǵyttaǵy konkýrstyq áni qazylar alqasynyń joǵary baǵasyna ıe bolǵan.
Dinmuhammed Tóleýbaı gran-prı ıegeri retinde Belarýstiń Vıtebsk qalasynda ótetin HHІH halyqaralyq «Slavıan bazary» baıqaýyna shaqyrtý aldy.
