Qyzylordalyq ónertapqyshtar jańa mobıldi qosymshalar oılap tapty
Tuńǵysh Prezıdent - Elbasy Nursultan Nazarbaev 2018 jylǵy 5 qazandaǵy Qazaqstan halqyna joldaýynda ınnovatsııalyq jáne servıstik sektorlardy damytýǵa erekshe kóńil bóliný qajettigin atap ótken bolatyn.
Osy maqsatta Qyzylordada Smart Sity baǵytynda jańa mobıldi qosymshalar iske qosyldy. ІT salasynyń jas ókilderi Guide Way dep atalatyn jańa baǵdarlamany oılap tapqan. Baǵdarlama smartfondaǵy Rlay market arqyly júkteledi. Mobıldi qosymsha halyqtyń ómir sapasyn arttyrý jáne ýaqytty únemdeý úshin qolǵa alynǵan.
Joba avtory ıÝrıı Kojýshnyı negizgi ıdeıa Qyzylorda qalasynyń tegin anyqtamalyǵyn qurýdan bastalǵanyn jetkizdi. Mobıldi qosymsha qoǵamdyq kólikterdiń baǵyttaryna sáıkes aıaldamalardyń ataýlaryn taýyp bere alady. Sonymen birge qalanyń geokartasy arqyly kez kelgen kóshelerdi taba alady.
Smart Sity aıasynda iske asqan taǵy bir joba «Aqyldy kárzeńke» dep atalady. Ony Qymbat Tursyntaı esimdi jas ónerapqysh jasaǵan. Sýpermarketterde saýda jasaýǵa yńǵaıly qosymsha ónimderdiń shtrıh-kod arqyly baǵasyn bilýge múmkindik beredi.
«Meniń jobam adamdardyń ýaqytyn tıimdi paıdalaný ári qarjylyq saýattylyqty arttyrýdy kózdeıdi. Máselen, siz 10 myń teńgege saýda jasaýǵa kelseńiz, aqyldy kárzeńke 10 myń teńgeden asyp ketse, eskertý jasaıdy» dedi joba avtory Qymbat Tursyntaı.
Aıta ketý kerek, aımaqta 26 ІT jobalar iske aspaq. Barlyq jobalar halyqtyń ómir sapasyn arttyrý úshin qolǵa alynǵan.
