Qyzylordalyq ónertapqysh júk tıegish traktor qurastyrdy
Ardager eńbek jolynda tótenshe jaǵdaılar salasynda uzaq jyl jumys istegen. Shaǵyn traktor ázirge zeınetkerdiń esik aldyndaǵy jumysty tyndyrýǵa jarap tur. Búginde ónertapqyshqa ózge de azamattardan tapsyrys kelip túsýde.
Ol shaǵyn traktordy jasap shyǵarý ıdeıasy qalaı týǵanyn aıtady.
«Osy maqsatta ǵalamtordy aqtardym. Soǵan qaraı otyryp, júk kóligin qurastyrdym. Aldymen motor satyp aldym, sodan soń zeınetaqy túsken saıyn bir bólshekten alyp, qurastyra berdim. Barlyq bólshekti metall bazasynan jınaqtap shyqtym. Keıbirin qoldan dánekerledim. Traktordyń otyrǵyshyna «GAZeldiń» oryndyǵyn, «Volga» qozǵaltqyshyn, «Mersedes» kóliginiń dóńgelegin, ÝAZ kóliginiń rýlin, basqa 7 avtokóliktiń bólshekterin paıdalandym. Bul júk tıegish traktor sharýa qojalyqtaryna tapsyrmas tehnıka dep esepteımin», - deıdi zeınetker Esenbek Seıitov.
Jasaǵan traktordyń bir ereksheligi janarmaıdy az shyǵyndaıdy. Demek sharýanyń bar qajetine jarap-aq tur.
Bul traktor jeńil ári qarapaıym tásilmen jasalǵan. Eger bir jeri jaramsyz bolyp qalsa, kez kelgen mehanık ony qaıta jóndeı alady.