Qyzylordalyq ónerpazdar Ázerbaıjandaǵy halyqaralyq festıvalge qatysady

QYZYLORDA. QazAqparat - Ázerbaıjan astanasy Baký qalasynda 7-9 qazan kúnderi ótetin túrkitildes elderdiń dəstúrli ónerin nasıhattaý maqsatyndaǵy halyqaralyq festıvalge qyzylordalyq ónerpazdar qatysady, dep habarlaıdy QazAqparat tilshisi.

Syr óńirinde dástúrli ónerdi dáripteýge arnalǵan kóptegen is-sharalar qolǵa alynyp keledi. Osynyń nátıjesinde Qarmaqshy aýdanynda Jyraýlar úıi jas urpaqty ulttyq ónerge baýlý baǵytynda ıgilikti isterdi júzege asyryp otyr. Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy boıynsha atalmysh óner ordasynda ónegeli ister laıyqty jalǵasyn taýyp keledi. Jyraýlar úıinde ózderiniń ónerin óristete túsken órender san alýan saıystarda aldyńǵy oryndardan kórinip júr.

Ázerbaıjan jerinde ótetin halyqaralyq festıvalge Jyraýlar úıiniń dırektory, jyraý Amandyq Búrlibaev qazylar alqasynyń quramyna arnaıy shaqyryldy. Al jas jyrshylar Shuǵyla Marhabatova men Araı Ońǵarqyzy úlken dodada baq synamaq.