Qyzylordalyq oqýshylar Ońtústik Koreıada ótken halyqaralyq konkýrstan 4 júlde aldy
QYZYLORDA. QazAqparat - Qyzylordalyq oqýshylar Ońtústik Koreıa Respýblıkasynyń Dedjon qalasynda ótip jatqan «Jas ǵalym» Halyqaralyq joba konkýrsynan 4 júlde enshiledi. Bul týraly QazAqparat oblystyq bilim berý basqarmasyna silteme jasap habarlaıdy.
Basqarma málimetterine qaraǵanda, aqpan aıynyń 27-i men 6 naýryz aralyǵyna josparlanǵan halyqaralyq deńgeıdegi dodaǵa Qyzylorda oblysynan barlyǵy 4 oqýshy attanǵan. Baıqaýda óz bilimderin joǵary deńgeıde kórsete bilgen oqýshylardyń barlyǵy da júldeli oryndardy ıemdendi.
Aıtap aıtqanda, Dinmuhamed Aqpan pen Evgenıı Demıdenko І oryndy jeńip alsa, Maǵjan Beketov ІІ orynǵa ıe boldy. Al, Dıana Valıshaeva ІІІ orynǵa taban tiredi. Daryndy oqýshylardy ustaz Qarlyǵash Aqysheva daıyndaǵan.
