Qyzylordalyq oqýshylar Gerold Belgerdiń shyǵarmashylyǵymen etene tanysty

QYZYLORDA. QazAqparat- Qyzylordada №23 J.Qızatov atyndaǵy mektep-lıtseıinde Qazaqstannyń halyq jazýshysy, qoǵam qaıratkeri, pýblıtsıst, ádebıet zertteýshisi - Gerold Karlovıch Belgerdiń shyǵarmashylyǵyna arnalǵan ádebı kesh ótti, dep habarlady QazAqparat Assambleıa hatshylyǵyna silteme jasap.

Qyzylorda oblystyq Assambleıa hatshylyǵy jáne «Qoǵamdyq kelisim» KMM-niń uıymdastyrýymen ótken is-sharaǵa Qorqyt Ata atyndaǵy QMÝ-niń «Qazaqstan tarıhy» kafedrasynyń dotsenti, tarıh ǵylymdarynyń doktory Tastanbek Sátbaı jáne «Qazaq tili men ádebıeti jáne jýrnalıstıka» kafedrasynyń professory, fılologııa ǵylymdarynyń kandıdaty  Aman Abasılov qatysyp, G.Belger jaıly esteliktermen bólisti. Jazýshy shyǵarmalarynyń qazaq ádebıeti men tiliniń damýyna qosqan úlesi týraly aıtyldy. Keshti toleranttylyq klýb músheleriniń qatysýymen ótken ádebı montaj ben qoıylymdar jandandyra tústi. 

Sondaı-aq, «Qoǵamdyq kelisim» KMM-si 17-20 qazan aralyǵynda ózge etnos oqýshylary arasynda «Táýelsiz eldiń ulanymyn» atty qazaq tilinen úzdik shyǵarmalar baıqaýyn uıymdastyrǵan bolatyn. Kesh aıasynda atalǵan baıqaý jeńimpazdaryna dıplomdar men baǵaly syılyqtar tabystaldy.