Qyzylordalyq oqýshylar Dýbaıda bas júlde aldy
QYZYLORDA. QazAqparat - Qyzylordalyq oqýshylar Birikken Arab ámirliginiń Dýbaı qalasynda ótken halyqaralyq ǵylymı-tájirıbelik konferentsııada bas júlde aldy, dep habarlaıdy QazAqparat tilshisi.
Atalmysh konferentsııa 11-14 naýryz aralyǵynda ótkizildi. Halyqaralyq shara barysynda qyzylordalyq órender bıologııa baǵyty boıynsha synǵa tústi. Syr óńirinen Dana Aıdarbek, Aımereı Baıǵabylova, Afrasnıab Kobdıkov, Shahrızada Aqmurat óz jobalaryn tanystyrdy. Nátıjesinde Dana Aıdarbek pen Aımereı Baıǵabylova bas júldege laıyqty dep tanyldy.
Oblystyq óńirlik kommýnıkatsııalar qyzmetiniń habarlaýynsha, buǵan deıin qyzylordalyq órender «Beıbitshilik álemi» Halyqaralyq qazaq shyǵarmashylyq birlestiginiń uıymdastyýýymen ótken konferentsııanyń respýblıkalyq kezeńine qatysyp, halyqaralyq konferentsııaǵa joldama alǵan bolatyn. Osylaısha oqýshylar men ustazdardyń izdenisteri óz nátıjesin kórsetti.
