Qyzylordalyq oqýshy Jáýtikov olımpıadasynda qola júldege ıe boldy
QYZYLORDA. QazAqparat - Almaty qalasynda ótip jatqan halyqaralyq Jáýtikov atyndaǵy olımpıadada №9 daryndy balalarǵa arnalǵan qazaq-túrik lıtseı-ınternatynyń oqýshysy Anarbaı Qýanysh Oralbaıuly qola júldege ıe boldy. Bul týraly QazAqparat HAA tilshisi oblystyq bilim basqarmasyna silteme jasap habarlady.
Anarbaı Qýanysh № 9 daryndy balalarǵa arnalǵan oblystyq qazaq-túrik lıtseı-ınternatynyń 11- synyp oqýshysy. Ol 2015-2016 oqý jylynda Jalpy bilim beretin pánder boıynsha respýblıkalyq olımpıadanyń oblystyq kezeńinde matematıka páninen altyn medal ıegeri atanǵan. Osy kezeńniń oqý jylynda Jalpy bilim beretin pánder boıynsha respýblıkalyq olımpıadanyń respýblıkalyq kezeńinde matematıka páninen qola medalin jeńip aldy. Sondaı-aq, osy jylynda Qashyqtyqtan Azııa-Tynyq muhıty matematıkalyq halyqaralyq olımpıadasy, Matematıkadan halyqaralyq «Jibek joly» olımpıadasynyń altyn medal ıegeri. Buǵan qosa 2015-2016 oqý jylynda HHІІІ «Týımaada» halyqaralyq olımpıadasynyń kúmis júlde ıegeri de boldy. Munan ózge 2016-2017 oqý jylynda Jalpy bilim beretin pánder boıynsha respýblıkalyq olımpıadanyń oblystyq kezeńinde matematıka páninen altyn medal ıegeri atansa, endi mine halyqaralyq Jáýtikov olımpıadasynyń qola júldesin ıelenip otyr.
