Qyzylordalyq qyz-kelinshekter tekemet, tuskıiz basýdan saıysty
QYZYLORDA. QazAqparat-Qyzylordanyń Qazaly aýdanynda ulyq ónerimizdi jańǵyrtý maqsatynda tekemet, tuskıiz basýdan saıys ótti, dep habarlady QazAqparat HAA tilshisi.
«Ár úıdiń tórinde tekemet tursa...» taqyrybyndaǵy baıqaýdy Qazaly aýdandyq mádenıet jáne tilderdi damytý bóliminiń qoldaýymen Abaı aýyldyq klýby uıymdastyrdy.
Oǵan aýdannyń túkpir-túkpirinen kelgen aq jaýlyqty analarymyz qatysyp, tekemet pen tuskıiz basý boıynsha saıysqa tústi. Baıqaýǵa aýdandyq oqýshylar úıiniń úıirme jetekshisi Uljan Ahmetova, Abaı aýyldyq áıelder keńesiniń tóraıymy, mádenıet salasynyń ardageri Saqypjamal Jumaǵalı, mádenıet jáne tilderdi damytý bóliminiń ádiskeri Bekzat Ájimurat qazylyq jasady.
Saıysýshylar alǵashqy bólimde úıden daıyndap kelgen tekemet pen tuskıizderin kórmege qoıyp, tanystyrdy, jasalý joldaryn túsindirdi. Al, ekinshi bólimde aıaqtalmaǵan isti sol jerde jasap bitirdi.
Shara barysynda Sarykól aýyldyq okrýginiń ákimi Baınazar Erqosaev quttyqtaý sóz sóıledi.
Baıqaý nátıjesinde Sarbulaq aýylynyń turǵyny Kúmiskúl Rahmetova bas júlde alsa, abaılyq Meıramkúl Kóptileýova І oryndy ıelendi. Júldeli ekinshi oryndy bekarystandyq Shynar Qojaqova men Bozkól aýylynan kelgen Beıbit Ábdiramanova enshiledi. Kelesi oryndardy Qojabaqy aýyly atynan qatysqan Mádına Qarjaýbaeva, káýkeılik Kúlzırash Balmasova jáne Laqaly aýylynyń turǵyny Marııash Dosjanova ózara bólisti.
