Qyzylordalyq qutqarýshylar Syrdarııany baqylaý úshin drondy iske qosty
ASTANA. QazAqparat - Syrdarııa ózeniniń arnasyndaǵy muzdyń jaǵdaıyn baqylaý úshin Qyzylorda qutqarýshylary aspanǵa ushqyshsyz ushý apparatyn iske qosty, dep habarlaıdy «QazAqparat» HAA Qyzylorda oblysynyń Tótenshe jaǵdaılar departamentine silteme jasap.
Qyzylorda oblysy, Qarmaqshy aýdanynyń ákimi S. Maqashovtyń tapsyrmasyna sáıkes, Qarmaqshy aýdan ákimi apparatynyń terrorızm profılaktıkasy jumyldyrý daıyndyǵy, azamattyq jáne aýmaqtyq qorǵanys jumystary bóliminiń basshysy R. Efenov, Jergilikti polıtsııa qyzmetiniń bastyǵy polıtsııa podpolkovnıgi Ǵ. Nagıev, «Qarmaqshysýshar» ÓÝ basshysy E. Bodybaev, Jańajol aýyldyq okrýgi ákiminiń mamany Á. Ótegenov, Qarmaqshy aýdanynyń Tótenshe jaǵdaılar bólimi bastyǵynyń mindetin ýaqytsha atqarýshy azamattyq qorǵaý kapıtany E. Nazarqulovtyń qatysýymen kúndelikti monıtorıng júrgizý úshin arnaıy top quryldy.
Qazirgi zamanǵy tehnologııalar kómegimen atalmysh top Karmaqshy aýdanyndaǵy Syrdarııa ózeniniń arnalaryna monıtorıng júrgizdi. Dron barlaý fýnktsııasyn oryndady. Jumys barysynda top Dúr Ońǵar, Iirkól atty eldi mekender ornalasqan Syrdarııa ózeni arnasynyń jalpy jaǵdaıyn zerttedi. Qyzylordalyq qutqarýshylar kún saıyn ózen jaǵasyndaǵy bógetterge monıtorıng júrgizetinin atap ótý kerek. Sonymen qatar Qarmaqshy aýdany Tórebaı bı eldi mekeninde ushqyshsyz ushý apparatymen jumys jalǵasýda.
