Qyzylordalyq «Qaısar» Premer-lıgadaǵy oıynyn jeńispen bastady
QYZYLORDA. QazAqparat - Qyzylorda qalasyndaǵy «Lokomotıv» stadıonynda jergilikti «Qaısar» men Ońtústik Qazaqstan oblysynyń «Ordabasy» komandalary maýsymashar kezdesýlerin ótkizdi.
Araǵa bir jyl salyp Premer-lıgaǵa oralǵan «Qaısar» alǵashqy kezdesýin jeńispen bastap, «Ordabasy» komandasyn 1:0 esebimen utty. Matchtyń taǵdyryn sheshken jalǵyz dopty birinshi kezeńiniń 27-shi mınýtynda 11 metrlikten «Ordabasy» komandasyna «Qaısar» komandasynyń makedonııalyq legıoneri Dýshan Savıch soqty. Aıta keteıik, «Qaısar» kelesi oıynyn Ulystyń Uly kúni 22-shi naýryzda óz alańynda Jambyldyń «Taraz» quramasymen ótkizedi.
