Qyzylordalyq «Qaısar» fýtbol klýby bankrot dep tanyldy
ASTANA. QazAqparat - Qyzylordalyq «Qaısar» fýtbol klýby» qoǵamdyq birlestigi bankrottyqqa ushyrady. Bul týraly Qyzylorda oblysynyń mamandandyrylǵan aýdanaralyq ekonomıkalyq sotynyń baspasóz qyzmeti habarlady, dep jazady kyzylorda-news.kz.
«Qaısar» fýtbol klýby QB tólemge dármensizdigine baılanysty ózin-ózi bankrot dep taný týraly aryzymen sotqa júgingen.
«Qyzylorda qalasy boıynsha memlekettik kirister basqarmasy» MM-degi kredıtor ókili sot otyrysynda, boryshkerdiń aryzy boıynsha qarsylyǵynyń joq ekendigin bildirdi.
Sot azamattyq is materıaldaryn qarap, boryshker «Qaısar» fýtbol klýby qoǵamdyq birlestigin bankrot dep taný týraly aryzyn qanaǵattandyryp, taratýǵa sheshim shyǵardy.
