Qyzylordalyq kásipkerler ıeligindegi ǵımarattardy karantın úshin bosatyp bermek
Bul jóninde oblystyq kásipkerler palatasynyń dırektory Ǵalymbek Jaqsylyqov áleýmettik jelidegi paraqshasynda habarlady. Syr óńirine belgili kásipkerler - Qaırat Boranbaev qonaqúıin, M.Sársenbaev áýejaı mańyndaǵy ǵımaratty medıtsınalyq nysan retinde ýaqytsha paıdalanýǵa berýge uıǵarym jasaǵan.
Sondaı-aq, osyndaı ıgi bastamany Q-MED klınıkasynyń dırektory Raýshan Bazarbaı jalǵastyryp alyp ketti.
«Abaı kóshesiniń boıynda bizdiń mekemege qarasty emhana bar. Ol 15 naýryzdan beri bos tur. Emdeý orny medıtsınalyq talaptarǵa sáıkes keledi, onda 35 jatyn oryn bar. Ár palatada jýynýǵa arnalǵan qosalqy bólmeler ornalasqan. Bul oryn tuzdy shahtamen, ókpe aýrýlaryna naǵyz em bolatyn, profılaktıkalyq qyzmeti zor jabdyqtarmen qamtamasyz etilgen. Munda odan ózge de qajetti qural-jabdyqtar bar. Osy emhanany qajet bolǵan jaǵdaıda karantındik naýqastarǵa berýge ázir ekenimdi jetkizemin», - deıdi Raýshan Bazarbaı.
Qazirgi tańda Qyzylorda oblysynda koronavırýs juqtyrǵan 25 adam bar.
