Qyzylordalyq kásipker muqtaj otbasylarǵa páter syılady
Ol byltyr Nazerke Qadir esimdi kóp balaly anaǵa úsh bólmeli páter kiltin tabys etken edi. Qyzylordalyq ana jeti balasymen úı-kúısiz júr eken. Bul jaǵdaıdy kezdeısoq radıodan estip qalady.
«Kóliktegi radıony qosyp qalǵan edim. Onda «Jan shýaǵy» degen habar bolyp jatyr eken. Onda qyzylordalyq jeti balaly áıeldiń úı-kúısiz júrgeni aıtyldy. Dereý radıoǵa telefon soqtym. Mán-jaıdy anyqtap aldym», - dedi Temirhan Álimqulov.
Kóp uzamaı jeti balaly ana úsh bólmeli páterge qol jetkizdi. Kásipker bul janashyrlyǵyn eshkim jarııalaı qoıǵan joq. Jabyrqaǵannyń júzindegi muńdy seıiltýdi azamattyq paryzym dep sanady.
Kásipker bıyl taǵy bir azamatshaǵa eki bólmeli páter tartý etti. Múgedektiktiń qıyndyǵyn kórip júrgen ol jomart júrekti azamattyń sharapatyn kórdi.
Kásipker muqtaj jandarǵa budan da basqa kómek qolyn sozyp keledi. Turmysy tómen otbasy balalaryna mektepke qajetti qural-jabdyqtar alýǵa da nazar aýdarady.
Temirhan Álimqulov basshylyq jasaıtyn «SMP-Qyzylorda» JShS qurylys salasymen shuǵyldanady. Shıeli aýdanynda mektep salýmen aınalysty. Sondaı-aq, osy aýdanda «Jıdeli» toptyq sý qubyryn eldi mekenderge qosý isine belsene aralasty. Qazir Qyzylorda qalasyndaǵy darııanyń sol jaǵalaýynda páter salyp jatqan kompanııanyń biri.
Seriktestiktiń óndiristik qýaty áleýetti, kásibı tehnıkalarmen tolyq jabdyqtalǵan, 245 adam eńbek etedi. Onyń quramynda - laı-beton daıyndaý toraby, aǵash qurylymy, mehanıkalyq, plastıkalyq buıymdar, shaǵyn temirbeton buıymdaryn jasaý, qozǵalqyshtardy oraý tsehtary, eki beton zaýyty jáne baza aýmaǵynda enshiles seriktestik esebinde jumys isteıtin kirpish zaýyty bar.
Budan buryn Qyzylorda oblysy Shıeli aýdanynda jergilikti kásipker óz aqshasyna aýyldan sport keshenin salyp bergenin habarlaǵan edik.