Qyzylordalyq karateshiler jastar chempıonatynan jeti medalmen oraldy
QYZYLORDA. 27 sáýir. QazAqparat - Qyzylorda oblysynyń jas karateshileri Mańǵystaý oblysynyń Jańaózen qalasynda ótken jastar arasyndaǵy karate-dodan elimizdiń chempıonatynan jeti medalmen oraldy.
Atalmysh jarysta Syr óńiriniń sportshylary 1 altyn, 1 kúmis, 5 qola medaldi ıelendi. Atap aıtsaq, kýmıte baǵdarlamasy boıynsha Móldir Jańbyrbaı (47 keli) chempıon atanyp, QR-ń sport sheberi normatıvin oryndady. Mansur Qalı (52 keli) ekinshi oryndy aldy. Al Dıana Dosqalı (47 keli), Shyńǵyshan Qasymhanov (76 keli), Ernur Sapı (55 keli), Araılym Erkebaeva (59 keli) jáne qomandalyq kýmıtede Aıajan Jánibekova, Araılym Erkebaeva, Aqsúırek Beknııaz úshinshi oryndy ıelendi.
Aldaǵy shilde aıynda Tashkent qalasynda ótetin Azııa chempıonatyna Móldir Jańbyrbaı joldama aldy.
№2 oblystyq mamandandyrylǵan balalar men jasóspirimderdiń olımpıadalyq rezerv mektebinde jattyǵatyn sportshylardyń bapkerleri oblystyń aǵa jattyqtyrýshysy Taǵdyrbergen Janalıev, Rústem Ábjámıev, Erkin Bohanov, Talapbergen Ábdiramanov, Rýstam Orlov.
