Qyzylordalyq karateshiler halyqaralyq týrnırden 11 júlde ıelendi (FOTO)
QYZYLORDA. QazAqparat - Bishkekte karate-dodan ótken IX halyqaralyq týrnırde jerlesterimiz jaqsy óner kórsetip, 11 medalmen (3 altyn, 3 kúmis, 5 qola) oraldy, - dep habarlady oblystyq dene shynyqtyrý jáne sport basqarmasynyń baspasaóz qyzmetinen.
8-9 jas aralyǵynda kata baǵdarlamasy boıynsha Pavel Barybın men 10-11 jas aralyǵynda Erdos Kenjalıev (ekeýi de oblystyq karate-do federatsııasynan) týrnırdiń chempıony atansa, 16-17 jas aralyǵynda kýmıte baǵdarlamasynda 61 keli salmaq dárejesine deıin synǵa túsken Qaısar Ómirbek birinshi oryndy ıelendi.
Kata saıysy boıynsha 10-11 jas aralyǵynda Sergeı Osıpov (oblystyq karate-do federatsııasy), kýmıte boıynsha 12-13 jas aralyǵynda 35 keli salmaq dárejesine deıin Dıas Moldabek («Qajymuqan» SK) pen 18 jastan joǵary Móldir Jańbyrbaı (JSShM) halyqaralyq týrnırdiń kúmis júldesin ıelendi.
Kata saıysy boıynsha 6-7 jas aralyǵynda Konstantın Kadjıev (oblystyq karate-do federatsııasy), 8-9 jas aralyǵynda kýmıte baǵdarlamasy boıynsha Gafýr Shaıhy (27 kelige deıin), kata baǵdarlamasy boıynsha 10-11 jas aralyǵynda Nurbol Nurlybekov (obl. karate-do federatsııasy), kýmıte saıysynda 12-13 jas aralyǵynda Aman Shora ( «Qajymuqan» SK, -35 keli) men 16-17 jas aralyǵynda Nurádil Keńesbek (JSShM, 61 kelige deıin) qola júldeni ıelendi.
Sportshylardy jarysqa oblystyń aǵa jattyqtyrýshysy Rústem Ábjámıev jáne jattyqtyrýshylar Nurjan Aqpanbet, Rýstam Orlov, Ákimjan Nurǵalıevter daıyndady. 
