Qyzylordalyq hokkeıshiler Reseıdiń ashyq birinshiliginde chempıon atandy
QYZYLORDA. QazAqparat - Tatarstan Respýblıkasynyń astanasy - Qazan qalasynda kógaldaǵy hokkeıden joǵarǵy lıga komandalary arasynda Reseı Federatsııasynyń ashyq birinshiligi máresine jetti. Bul synda Qyzylorda oblysynyń «Qaısar» erler komandasy birinshi oryndy jeńip aldy, dep habarlaıdy QazAqparat tilshisi.
Birinshilik tórt aınalym boıynsha júrgizildi. Sol saıystarda qyzylordalyq sportshylar jeńis tuǵyrynan kórindi. Jarys barysynda olar 20 oıynda 17 márte jeńiske jetip, nebári 3 kezdesýde qarsylastaryna ese jiberdi. Osylaısha «Qaısar» jeńimpaz atandy. Sondaı-aq, qyzylordalyq Murat Eshpanov «Jartylaı qorǵaýshy» nomınatsııasyn ıelendi.
Komanda sapynda Ǵalymjan Álıev, Dáýletbek Álıev, Dıas Áljanov, Murat Eshpanov, Ashat Ermaǵanbetov, Dáýren Qoblandın, Dáýren Melısov, Erasyl Qaıqybekov, Nıkıta Plaskın, Ashat Zýlpýharov, Muqaǵalı Sansyzbaev, Oljas Áýezhan, Baqytbek Sársenbaıuly, Baqytbek Tájenov, Nurhan Sansyzbaev, Shyńǵys Seıitqalıev, Nurlybek Uzaqov, Dýlat Shynybek oıyn kórsetti.
Jigitter «Qaısar» oıyn túrleri sport klýbynda tálim alady. Olardy jarysqa oblystyń aǵa bapkeri, QR eńbek sińirgen jattyqtyrýshysy Sultanbek Qoblandın daıyndady.
Ústimizdegi jyldyń 15-23 qazany aralyǵynda Qyzylorda qalasynda kógaldaǵy hokkeıden erler arasynda el birinshiligi ótedi. Jarys barysynda elimizdiń ár óńirinen kelgen hokkeıshiler III-IV týr boıynsha saıysqa túsedi.
