Qyzylordalyq gir sportynan álem birinshiliginiń kúmis júldesin ıelendi
QYZYLORDA. QazAqparat - Aqtóbede gir sportynan eresekter arasynda ótken álem chempıonatynda jerlesimiz Nursultan Kóldeev kúmis júldeni enshiledi, dep habarlady QazAqparat oblystyq dene shynyqtyrý jáne sport basqarmasyna silteme jasap.
Ol 68 keli salmaq dárejesinde 32 keli gir tasyn serpe kóterýde 97 ret, julqa kóterýde 61 ret kóterip, nátıjesinde 158 upaı jınady.Jarysqa 39 memlekettiń sportshylary qatysty.
N.Kóldeev gir sportynan QR halyqaralyq dárejedegi sport sheberi, eresekter arasynda bes, jastar arasynda úsh, jasóspirimder arasynda úsh dúrkin Qazaqstan chempıony, Eýropa chempıonatynyń kúmis júldegeri (2014 j. Estonııa), Álem kýbogynyń qola júldegeri (2014 j. Las-Vegas), 2 dúrkin Álem chempıonatynyń qola júldegeri (2013 j., Reseı, 2014 j., Germanııa), Álem chempıonatynyń kúmis júldegeri (2015 j., Irlandııa), Eýropa chempıony (2015 j., Bolgarııa).
Nursultan endi 7-9 jeltoqsan aralyǵynda Kókshetaýda ótetin QR kýbogynda baǵyn synaıdy.
