Qyzylordalyq ǵalymdar kúrish qaýyzyn qurylysqa paıdalanbaq
QYZYLORDA. QazAqparat- Qyzylordalyq ǵalymdar kúrish pen munaıdyń qaldyǵyn paıdaǵa jaratýdyń tyń jolyn usynyp otyr, dep habarlady QazAqparat.
Jyl saıyn Syr óńirinde shamamen 40 myń tonna kúrish qaýyzy óndiristik qaldyq retinde qajetke jaramaı qalatyn. Al , syrboıylyq ǵalymdar osy kúrish qaýyzynan arbolıt jasaýǵa bolatynyn aıtady. Bul ádis jeńil beton óndirisindegi dástúrli tehnologııamen salystyrǵanda birshama arzan ári ekologııany saýyqtyrýda paıdasy orasan.
«Jergilikti arzan shıkizattardy qoldanamyz. ıAǵnı jylý ortalyǵynyń kúlin, sonymen qatar ártúrli hımııalyq qospalar, suıyq shyny, kaltsıı hlorıdi. Solardyń mólsherin biz eki ese azaıtyp, arbolıttiń ózindik baǵasyn tómendettik. Al tehnıka ǵylymdarynyń kandıdaty Nábı Daýjanov temirbeton buıymdaryn óndirýshi kásiporyndar shyǵynyn azaıtýdyń jolyn usynyp otyr. ıAǵnı beton quımasyn keptirý kezinde kún energııasy paıdalanylady. Ol úshin arnaıy gelıoqaqpaq oılap tabyldy», - deıdi tehnıka ǵylymdarynyń doktory Sáken Úderbaev.
Jergilikti ǵalymdar munaı burǵylaý kezinde shyǵatyn qaldyqtardy da paıdaly iske baǵyttaýǵa bolatynyn aıtady. Ádette tonnalap kómir shyǵyndalatyn keramzıt óndirisine endi «qara altyn» qaldyqtaryn qoldanǵan jón.
«Alynǵan tehnologııany biz Oral qalasyndaǵy keramzıt zaýytynda tájirıbelik synaqtan ótkizdik. Ol zaýytta akredıttelgen zerthana bar. Sol zerthana bizdiń alynǵan keramzıtimizdiń quramyna sertıfıkat sáıkestigin berdi. ıAǵnı memlekettik standartqa barlyq fızıkalyq-mehanıkalyq qasıetteri boıynsha saı keledi», - tehnıka ǵylymdarynyń kandıdaty Roza Narmanova.
«Qorqyt ata» atyndaǵy Qyzylorda memlekettik ýnıversıtetiniń zerthanasynda birqatar tyń tehnologııalar áli de synalyp jatyr. Basty maqsat - energııa jáne resýrs únemdeý tásilderin jetildirip, otandyq óndiristiń órkendeýine jol ashý.
