Qyzylordalyq etikshiniń sheberhanasynda erekshe kollektsııa bar
QYZYLORDA. QazAqparat - Qyzylorda qalasynda turatyn kollektsıoner Senbek Dúısenbaevtiń negizgi kásibi - etikshilik. Ol negizgi kásibimen birge kollektsıonerlik qasıetimen de eldiń kózine túsip júr, dep habarlaıdy QazAqparat tilshisi.
Otbasynda úsh bala tárbıelep otyrǵan ol negizgi kásibimen 20 jyldan beri aınalysyp keledi. Sonymen qatar onyń túrli zattardy jınaýmen aınalysyp júrgenine de 7-8 jyldyń júzi bolyp qalǵan. Búginde bul qyzyǵýshylyǵy óziniń súıikti isine aınaldy. Ol óte sırek kezdesetin ashyq hat, tósbelgi men kóne tıyndardy jınaıdy. Onyń jınaq qorynda qanshama dúnıe bar. Árbiri ótken tarıhtan shejireli syr shertip tur.
«Ras, elimizde men sııaqty azamattar az emes. Alǵashqyda Keńes Odaǵy tusyndaǵy tıyndardy jınadym. Búginde qolymda 100-den asa tıyn bar. Olardyń ishindegi eń eskisi - 10 tıyn. Ol 1923 jyly shyqqan. Sondaı-aq, elimiz egemendik alǵannan keıingi tıyndardy jınap júrmin. Ereksheligi - olarda halqymyzdyń aqyn-jazýshylary men salt-dástúrimiz beınelengen. Máselen, Álıhan Bókeıhanov, Ábilqaıyr han, Sábıt Muqanov syndy ózge de ult janashyrlary men jazýshylar beınelengen. Olardyń arasynda qazaqtyń «sábıdi qyrqynan shyǵarý» joralǵysy 20 tıyn bederinde tańbalanypty», - deıdi Senbek Dúısenbaev.
Sondaı-aq, ol keıingi bes jyl ishinde 500-ge tarta kóne tósbelgilerdi de jınaqtaǵan. Onyń qorynda talantty orys sýretshisi Vladımır Zarýbınniń qalamynan týǵan sýretter beınelegen poshtalyq ashyq hattar bar. Onda jumbaq jáne oqys qubylystar kezdesedi. Sonymen osy qylqalam sheberiniń qııalynan týǵan merekelik konvertter de bar. Ózge de dúnıeler az emes.
Senbek Dúısenbaev sheberhana kelýshileri de bularǵa qyzyǵýshylyq tanytatynyn jetkizdi. Olarǵa árbir dúnıeniń jan-jaqty keńinen baıandap beredi.
Ádilet Qańtarbaev
Kórneki fotosýret: twitxr.com
